黃鎮嵐Thomas | 香港

回顧過去

2017 年，鎮嵐於寧波第二中學完成中四課程後因為家庭原因決定不繼續學業。隨後一年裡，他一面嘗試為自己的未來尋找另一出路，一面積極投入義工服務，包括陪伴長者、舉辦慈善義賣活動和支援籃球比賽。當鎮嵐從社工得知「鼓掌 X 創世代」的消息時，他覺得這是改變前途的獨特機會，便毫不猶豫地報名參加。

當下感想

「課程帶俾我嘅遠遠超越咗客戶服務業嘅知識，呢啲額外收穫中我覺得最重要嘅係友誼。友誼唔單止存在於同學間，更加存在於導師同 mentor 之間。識到呢一班好朋友令我嘅生活多咗好多趣味！」

「課程內容例如係成長心態等讓我學識其中一樣最重要嘅係『活出自我』，唔好畀他人嘅言語影響到自己，要相信自己，開心好重要！哈哈，無論客戶服務又好、其他行業都好，唔好因為其他人嘅批評意見就輕易放棄，要忠於自我、努力改進、勿忘初心啊！」

展望明天

從「鼓掌 X 創世代」的「客戶服務（酒店前線/物業管理）」培訓課程順利畢業後，鎮嵐成功獲得亞洲國際博覽館擔任客戶服務助理的工作。「短期目標希望係可以幫助展覽順利進行，而中期目標就希望可以同黎自唔同地方過黎參展既旅客分享香港文化，長遠黎講呢就想成為推動香港展覽文化嘅源動力之一。我希望我嘅人際交往能力加上我熱愛幫助他人嘅熱情可以幫助我係亞洲國際博覽館嘅工作，同埋協助我未來嘅事業發展！」